Saturday, September 20, 2008

Project Lafftrip Laffapalooza


Medyo natagalan ako bago matapos ang post na ito sa simpleng kadahilanan na matagal ko na itong hindi ginagawa, at nakalimutan ko na kung paano. Limang buwan pa lang ang nakakaraan pero mukhang nakalagay sa Recycle Bin ng utak ko lahat ng may kinalaman sa pagbloblog at yung ibang files e nabura na. Buti na lang di ko pa nalilimutan password ko.

Nag-expire na yung domain na napanalunan ko dun sa pakontes ng pinoyblogosphere. At hindi ko nagamit. Mabilis rin pala ang isang taon kung di mo iisipin. Sayang. Malamang binigay ko na yun dati pa sa kung sinomang gusto gumamit ng ninong.net na domain.

Marami nang blog ngayon. Nakakalula nang dalawin isa-isa. Gumawa na rin sila ng sari-sarili nilang tribo. Nagsama-sama, nagkumpol-kumpol at syempre nagkaaway-away. Kanya-kanyang pasiklaban, kaniya-kaniyang pataasan ng ihi.

Natabunan na ang mga taong may sariling mundo.
________________________________

Gaya ng karamihan sa post ko dito, walang kinalaman ang intro sa gusto kong sabihin. Hehe. Gusto ko lang sumali dun sa pagboto ng Project Lafftrip Laffapalooza ni Badoodles sa kwentongbarbero.com.

Dahil mahilig akong nagmamadali ginagawa ko ang post na ito isang oras bago ang deadline. Ang alam ko mamayang 12:00 am pa ang deadline pero di rin ako sigurado. Wala naman nang mababago ang boto ko, mukhang malalayo naman ang agwat nila sa standings. Pero sayang naman kung ako dapat yung mananalo nung premyo diba? House and lot din yun, este 15k pala.

Hindi ko na iboboto ang sarili ko. Maswerte sila dahil hindi na ako kasali. Di sin sana ako na ang nagmamakaawa at nagpapatirapa para sa boto nyo. Na hindi ko naman na pala kailangan dahil malamang kung kasali ako landslide. Panalo na sila. Hehe.

Botohan na:

1. Chiksilog.com - pinagbabantaan nya ang buhay ko kapag di ko siya naiboto. Kaya eto binoboto ko na sya dahil napakalakas nya sa akin. Itinigil ko muna ang paggawa ng wala para gumawa ng entry dahil mahal ko pa... ang buhay ko at marami pa akong pangarap sa buhay. Hehe. Di raw sya humor blog. Pero marami pa rin ang nagkakamali.

2. The Loser's Realm - kulang ang pinambayad nya sa akin para sya ang gawin kong top1 vote ko pero sapat na para ilagay ko sya sa number 2. Magbabago na habambuhay ang tingin ko sa banyo dahil sa litrato kung san nakita ko syang kumakain habang nakaupo sa trono. Pero kasingkulit sya ng taong iinom ng sprite gamit ang straw na nakasaksak sa ilong. hehe.

3. Kokeymonster - kapangalan nya yung kaklase ko nung elementary at nung bata pa ako. Kung alam ko lang na may hidden meaning ang pangalan nung kaklase ko na yun, malamang elementary palang e sira na ang buhay nya. Kasingkulit ni Ferbert ang tatay ng nagpangalan sa kaklase ko nung elementary. Hahaha. Gulo.

4. Kissescomics - Hindi masyadong active ang gumawa nito pero gustong gusto ko ang comics nya. Lahat ng characters nya ay pangalan ng pagkain. Kung active lang sya malamang top1 sya dito. Kaya lang istorbo talaga sa kasikatan ang pag-aaral na yan. Idol ko to, sana makagawa din ako ng komiks.

Ayun. Di ko alam kung mayayaya ko pa kayong sumali kasi 15 minuto na lang at tapos na ang pagboto. Sensya naman. Next time na lang kayo bumawi. Hehe.

7 comments:

  1. Ninong, si idol ninong! Salamat! Maraming salamat sa boto mo, hehe. Ang tagal mo naman magblog. Ikaw, kung active ka lang naiboto na kita eh. xoxoxoxo sayo ninong the idol!

    -m

    ReplyDelete
  2. ako na sana ang number one kung pinag-alayan na din sana kita ng puso ko, ahihihi. Echos. Salamat, tambay naman tayo sa ice skating rink sa MoA minsan baka may naghahanap saten.

    -M

    ReplyDelete
  3. putanginang mariano ito
    hahahahaha

    alam ko
    yung iceskating incident
    na yun
    hahahaha

    mwa mwa
    alam ko naman
    na mahal mo pa rin...

    ako
    hahaha

    salamuch
    :)





    .xienahgirl

    ReplyDelete
  4. pasightseeing po sa site nyo ha...ay may lambuchingan pala dito churi... sana maging frequent kayo sa pagpopost pero baka nga naman busy kayo... nakakapanghinayang kasi minsan pag gustong gusto mong magsulat ang isang blogger kaya lang pagpunta mo sa blog nya wala pang new entry.. ahehehe.. cheers!!! glesy the great

    http://anakngpiso.wordpress.com/

    ReplyDelete
  5. Hi there! Visiting you from davao, RP! Hehe... :D

    Congratulations! blog hoppin'...

    btw, care to xlink?

    http://innerphets.blogspot.com

    Thank you! :D

    ---------------
    ESET NOD32 Antivirus Free Download - http://innerphets.blogspot.com

    ReplyDelete
  6. uy tinag po kita ha.... sana magrespond ka... pleassseee....


    http://anakngpiso.wordpress.com/2008/09/26/i-am____-in-other-names/

    ReplyDelete
  7. note to self: http://www.microsoft.com/express/2005/sql/register/

    http://www.microsoft.com/express/vcsharp/

    http://www.microsoft.com/downloads/details.aspx?FamilyID=ca9d90fa-e8c9-42e3-aa19-08e2c027f5d6&displaylang=en

    http://www.microsoft.com/downloads/details.aspx?FamilyID=5c7df430-1c34-40d2-b6ec-81353b5fcf2e&displaylang=en

    ReplyDelete